PeteThou/PeteWorld

  လာပါ လက်ထဲကဘီယာခွက်ကိုမြောက်လိုက် အမြှုပ်အစီစီနဲ့ ကြေးနီရောင်ခွက်ကိုယ်စီ ကိုင်မော့လိုက်ရအောင် ရေခဲရိုက်ထားတာဆိုတော့ ရင်အေးသွားနိုင်ဖွယ်ရာဖြစ်နေမှာပေါ့ ခံစားမိလား စူးရှတဲ့ သူ့အရသာ.. မင်းဘေးက မျက်လုံးတွေကို အကဲဖြတ်ဆန်းစစ်ကြည့်ပါဦး မျက်လုံးက ပြုံးတတ်တယ်ဆိုတာ ယုံပြီလား.. သူတို့ရော မင်းကို မြင်နိုင်မှာပေါ့ မင်းကိုင်မြှောက်လိုက်တဲ့ခွက်တွေ မင်းရှေ့က တို့လို့၊ဆိတ်လို့ရတဲ့ အမြည်းအမယ်စုံတွေ မင်းပါးစောင်ထဲ အားရပါးရ ပစ်ထည့်လိုက်တဲ့ ခြေလေးချောင်းသားပူနွေးနွေး မင်းမျက်လုံးတွေရော ပြုံးတတ်နေပြီလား... မင်းရှေ့ကဘီယာခွက်ထဲ သောကတွေထည့်ခတ်ခဲ့ရတယ် မျက်ရည်ပူတွေက ခွက်အောက်နားစီမှာ ပုံလျက်သား ပျက်စီးခြင်းငွေ့ရည်တွေ ခွက်နှုတ်ခမ်းမှာခိုနေပြီ.. လာပါ... ငါတို့ စကားစလေးပြန်ဆက်ရအောင် ဖင်စီခံဝါနေတဲ့ ဆေးလိပ်တို ထပ်မီးညှိလိုက်ပါဦး သောကအပူတွေ ဘီယာအေးနဲ့မျှောချဖို့ အသောက်အစားသမားဆိုတဲ့ ဆိုင်းပုတ်လေး လည်မှာဆွဲလိုက်ကြဦးစို့..... #petethou

  ဒီစာလေးကို ကျော်သွားလိုက်ပါ ရေးကတည်းက ရည်ရွယ်သူမဖတ်မှန်းသိသိနဲ့ အမှတ်သည်းခြေမရှိ ရေးထားတဲ့စာလေးမို့ ကျော်သွားလိုက်ပါ။ ဒါဆိုဘာ့ကြောင့်ရေးနေလဲ မမေးပါနဲ့.... သင်ရောကျုပ်ရော တစ်ချိန်တစ်ခါလောက်တော့ မရနိုင်မှန်းသိသိနဲ့ မျှော်လင့်ဖူးတယ်မဟုတ်လား..? ရည်ရွယ်သူ မဖတ်ဘူးဆိုတာကလည်း မိုးတွင်း မိုးရွာသလို့ မဆန်းတော့ပါဘူး နှဲ့တာများရင် နဲ့လာတဲ့အထဲမှာ အချစ်နဲ့မထိုက်သူတို့ မပါဘူး ကျုပ်ကတော့ ဘုန်းကြီးတစ္ဆေလိုပဲ ပိုသိ ပိုခက်နေလေရဲ့.... ဪ... ဘယ်သူ့ နေနေ သူ့အမည်လေးပဲခေါ်ချင်တာ ဘာအကြောင်းပြောပြော သူ့အကြောင်းပဲထင်တာ ဟော ပြောရင်း.. သူ့အကြောင်းကို အဆီမဆိုင် ရေးနေမိပြန်ပြီ...

  ရင်ဘတ်လား? စိတ်ညစ်လို့၊ ညဘက်အိပ်မပျော်လို့၊ သောက်နေကျ ဆေးကုန်သွားတာကြာပြီလို့ပဲ ကြောင်းပြနေလိုက်မယ်။ သူ တစ်ဆုပ်ဆုပ်အောင့်နေတာ ဘာ့ကြောင့်? သူပဲသိမှာပဲ၊ အဆင်ပြေလား? လူမှုရေး၊ စီးပွားရေး၊ ကျန်းမာရေး မပြေလည်တာတွေပဲ ရွေးဖြေလိုက်မယ်။ နှုတ်က အမှန်တရားကို မစောင့်ပါနဲ့ လိမ်တတ်အောင် သင်ခဲ့တာလည်း အတုမြင်အတက်သင်ပဲလေ၊ ကြိမ်ဖန်များစွာ အလိမ်ခံရသူက ပိုပြီး လိမ်တတ်လာတယ်မဟုတ်လား၊ ဟန်ဆောင်မေးနေဖို့ မလိုပါဘူး ဟန်လုပ်ဖြေတဲ့အဖြေပဲရနေမယ်... အပြစ်မယူပါဘူး အဆွေရေ.. ချစ်ဖို့ မုန်းဖို့ဆိုတာ အစကတည်းက အကြောင်းပြချက်မှ မလိုတာပဲ.... အပြစ်များဆေးကြောယုံနဲ့တော့ မျက်နှာ လှည့်မလာပါနဲ့ အပြစ်မလုပ်ခင်ကတည်းက ခွင့်လွှတ်နေပြီးသားမို့ အပင်ပန်းမခံပါနဲ့ ဒီလမ်းလေးအတိုင်းလျှောက်သွားလိုက် ဘယ်မှ မကွေ့နဲ့နော် ဒီလမ်းအတိုင်း ဖြောင့်ဖြောင့်လေးပဲလိုက်သွား ဒါဟာ ငါ့နှလုံးသားထဲက ထွက်သွားရတဲ့လမ်းလေ...... #petethou

  It happened to me as usual It's hard as usual I broke as usual I fail as usual messing up as usual think of you as usual need you as usual missing as usual you are not there for me as usual I give up as usual . . . I never learn as usual...